Namashkaar dosto, CarComparos mein aap ka swagat hain. Main hoon aap ka dost Master Kaushal Chaudhary aur aaj hum aap ke liye le jar aaye hain nayi Tata Sierra ki 5 khoobiyan! Pehli khoobi hain Tata ne ismein laaya hua naya turbo-petrol engine. Iss engine ki badaulat, Tata Sierra usse nau laakh rupay sasti, Punch EV jitna tez pick-up le paati hain. Sach bataye toh, Punch EV jitna tez nahi, usse thoda sa dheema hain Sierra ka pick-up. Lekin keemat bhi toh dekho. Punch EV ka Ventilated Seats wala model bhi toh aaj pandrah laakh rupay ko milta hain, on road, jabki Sierra ka chaubees laakh ko. Kam se kam, Nexon aur Tata Curvv jitna burha haal toh nahi hain na. Curvv se sirf teen laakh rupay jyada de kar aap ko paintees horsepower jyada milti hain Sierra mein. Aur Nexon DCA se toh bahutahi tez pick-up milta hain, ye baat jaroor yaad rakhna.
Nexon ke naye, dual clutch gearbox wale model ka pick-up bahut kamjor hain. Usse 100 kph ki raftaar pahunchne ke liye sade-tera second lagte hain. Matlab WagonR se bhi aadha second jyada. Wakai mein bade sharam ki baat hain ye. Saboot dekhne ke liye pinned comment main maujood link pe click kijiye. Shukr hain kam-se-kam Sierra toh, WagonR se tez hain! Maana ke Nexon ki keemat, Sierra se aath laakh rupay sasti hain. Lekin Nexon toh, usse bhi aath laakh rupay sasti WagonR se, tez pick nahi le paati. Seedhi baat ki jaaye, toh Nexon ki kewal keemat sola laakh rupay hain, uska moolya, yane ke uske aukaat 8 lakh rupay ki bhi nahi hain. Iske viparit, Sierra ka pick-up Skoda ki Slavia aur Hyundai Verna ke nazdeek hain. Ab Verna ka ventilated seats aur dual clutch automatic waala model bhi 20 laakh ke neeche nahi milta. Toh Sierra ki aukaat, yane ke uska moolya bees laakh rupay se kam nahi, itna toh keh sakte hain. Itna hi nahi, mileage ke maamle mein bhi, Nexon DCA kaafi ghatiya hain. Aam taur par wo city mein, nau kpl se jyada nahi dene waali. Ab Sierra ka wajan toh usse bhi do-sau kilo bhaari hain. Toh agar aap ne uska tees kpl wala ishtehaar das baar bhi padh liya, toh aap ko dainandin istemaal mein Sierra, 8 kpl se jyada mileage nahi dene waali.
Sierra ki doosri khoobi hain uski kifayati keemat. Aj used car market mein Octavia one-point-eight TSI aur Mercedes C-two-fifty CDI jaisi gaadiyan 4 lakh rupay mein miti hain. Unse toh Sierra kewal 2-3 second dheemi hain. Unke mukaable aap ko overtake karte waqt bas thodi-si dikkat mehsoos hogi, jyada nahi. Aur paise bhi sirf bees laakh jyada kharch honge. Oopar se loan ka byaaj bhi dena padega, toh uske mila ke pacchis laakh jyada kharch honge aise andaaza laga lo. Aakhir gaadi lete waqt pick-up thodi maine rakhta hain. Electronic khilone aur touchscreen jyada mahatwapoorn purje hain. Pick-up aur pakad santulan toh sirf gaadi chalate waqt maine rakhte hain na. Lekin jab gaadi ek jagah kahdi hoti hain, tab 3 ya 4 touchscreen hona jyada jaroori hain. Ye baat kabhi mat bhoolna. Aur aaj kal bees-se pachis laakh mein, used car market mein zero-to-hundred paanch second se kam haasil karne waali CLA aur GLA forty-five AMG jaisi gaadiyaan mil rahi hain. Unki taraf galati se bhi mat dekhna. Kya pata unke Porsche Boxster jaise tez pick-up pe aap ka dil aa gaya toh? Aap apni zindagi ke agle paanch-saat saal, Sierra jaisi dheemi gaadi pe barbaad karne se bach jaoge. Aur phir Tata Motors ka munafa kaise hoga? Kaise milega government ko tax? Kaise chalega humara desh? Agar aap desh ke liye bees laakh ki kurbaani dene ke khilaaf hain, toh comment section mein humein jaroor batayiye. Aur Sierra ki bachi hui teen khoobiyaan dekhne ke liye, carcomparos pe bane rahiye. Dhanyawaad!
Real World Efficiency:
Nexon DCA - 9.1 kpl - https://www.carwale.com/news/tata-nexon-dca-real-world-mileage-revealed/
0-100:
C250 CDI 2011 0-100 - 7.1 sec - https://www.automobile-catalog.com/car/2011/1551575/mercedes-benz_c_250_cdi_blueefficiency_7g-tronic.html
Octavia 1.8 TSI DSG - 8.0 sec - https://www.youtube.com/shorts/y-XAhe3Nrrw, https://www.autocarindia.com/car-reviews/new-2013-skoda-octavia-review-test-drive-356050
Tata Punch EV - 9.0-9.45 sec - https://www.cardekho.com/india-car-news/tata-punch-ev-long-range-real-world-performance-tested-in-all-three-drive-modes-32920.htm?amp=1, autocarindia.com/auto-features/quickest-mass-market-evs-as-tested-435917
Sierra 2025 1.5 GDi 0-100 ~ 9.75 sec (because 1,269 kg Verna, 160 PS, 0-100 = 9 sec)
Curvv 1.2 GDi 0-100 - 12 sec - https://www.autocarindia.com/advice/tata-curvv-vs-citroen-basalt-which-is-faster-to-100kph-434548
Nexon DCA 0-100 - 13.3 sec - https://www.youtube.com/watch?v=kSKGdvVo6j0&t=80s
Curvv 1.2 GDi Power-to-Weight - 90 hp/ton
Sierra 1.5 GDi Power-to-Weight - 110 hp/ton
Curvv 1.2 GDi Power - 125 hp
Sierra 2025 1.5 GDi - 160 hp
Dimensions:
Curvv - 4308 mm * 1810 mm * 1630 mm
Sierra 2025 - 4340 mm * 1841 mm * 1715 mm
Curvv Kerb Weight (1.2 GDi) - 1,391 kg - - https://www.autocarindia.com/advice/tata-curvv-vs-citroen-basalt-which-is-faster-to-100kph-434548
Sierra 2025 Kerb Weight (1.5 GDi) ~ 1,450 kg