Fastest Indian Car 2025 in 0-100 Acceleration

Bewakoof hain wo log, jo aaj pandrah bees laakh rupay de kar, piddu-se engine waali Nexon aur Creta jaisi ghatiyaa gaadiyaan khareed rahe hain. Jabki aaj ye 10 behtareen used cars, apne market mein asaani se mil rahi hain. Ab jo darpok log hain, wo maintaince kitna ayega ye soch kar nayi gaadi khareed laate hain. Aur maintenance se chaar guna jyada paise, depreciation ke raaste gava dete hain. Aaj pandrah se bees laakh ki koi bhi nayi gaadi, har kilometer mein das rupiye depreciate ho jaati hain. Oopar se car loan ka byaaj. Wo paanch rupiya prati kilometer jaane wala hain. Aur insurance waale bhi aaj nayi gaadi pe teen se chaar rupay prati kilometer aap ko pelenge. Lekin nayi Nexon ya Creta ke bajay, in mein se koi bhi used gaadi do se teen laakh rupiye ka maintenance mangegi. Aisi teen gaadiyaan CarComparos team ke paas hain. 2003 ki C Class, 2006 ki Audi A4 aur do hazaar gyarah ki M Class. In teeno gaadiyon pe ek se do laakh rupay ka maintenance laga hain. Poori jaankaari dekhne ke liye pinned comment mein maujood Ownership Review link pe click kijiye. Dosto itna yaad rakhna, ke gaadi ek chalta phirta auzaar hain, ismein overtake karne ki kshamata, suspension comfort, pakad aur santulan jaise gun, touchscreen ke akaar se jyada maine rakhte hain. Aur wo aap ko Nexon aur Creta jaisi gaadiyon mein nahi milne waale. Iske vipareet agar aap Mercedes C two fifty CDI khareedte ho, toh aap ko saat second mein shunya se sau ki raftaar haasil karne waali gaadi milegi. Aur wo bhi sirf teen laakh rupiye ki keemat mein. Kya isse bhi tez aur sasti used cars ke baare mein aap ko pata hain? Comments section mein humein zaroor bataye.