XUV700 vs Fortuner 2023

Dosto ek taraf, Toyota ne, Fortuner ki keemat, behisaab badhaa rakhi hain, aur doosri taraf, Market mein, usse jyada features, tez pick-up, behtar mileage, kam body-roll aur comfortable suspension waali gaadiyaan aa chuki hain, aur wo bhi usse pandhraa laakh rupay saste daam pe. Yakeen nahi aata toh ye dekhiye. XUV ka top-end, all-wheel-drive model, Fortuner ke rear-wheel-drive se chaudah laakh rupay sasta hain, on road dilli. Aakar mein dekho, kewal do-chaar pratishat ka fark hain. Fortuner halki si lambi hain, wohi exyouvee thodi-si-chaudi. Bass boot-space ke maamle mein, Fortuner kaafi behtar hain, kyonki Toyota ki packaging itni lajawaab hoti hain, ke che-sau-sisi bade engine ke bawajood uske yaatri kaksh mein, XUV se jyada andruni jagah uplabdh hain. Lekin pick-up mein exyouvee, Fortuner ki gajab bezti karti hain. Fortuner ke paanch-so enem tork ke bawajood, uska pick-up exyouvee-se dheema hain. Itna hi nahi, exyouvee ka suspension bhi Fortuner se bahut badhiya hain. Wo gaddhon aur speed breakers ko behtar sokh leta hain aur modhon par Fortuner jitna daaye baaye dolta nahi. Kewal resale value mein Fortuner ka aaj bhi koi mukaabla nahi, kyonki uska tikaupan aur service Mahindra se das guna achi hain.