Fortuner vs Scorpio N Hindi

Sharam aani chahiye Toyota ko, jo aaj Fortuner jaisi sadhaaran gaadi, lagbhag pachaas laakh rupiye ko bech raha hain, jubki aaj, kewal pachis laakh mein, usse kai pehelu mein behtar gaadiyan, market mein aa chuki hain, jaise ye nayi Scorpio N. Ab yaha par dekhiye, dono ke top-end, four-by-two, diesel-automatic models mein, bees laakh rupiye ka antar hain. Kisliye? Kya Fortuner ka aakaar Scorpio se bada hain? Jee nahi, lambai mein Fortuner sirf teen pratishat jyada hain, lekin chaudai mein teen inch choti bhi hain. Oopar se Scorpio N, ek-inch oonchi bhi hain. Bass boot-space mein Fortuner, Scorpio N se saaf saaf behtar hain, kyonki usmein saat bande baithne ke baad bhi, lagbhag teen-sau liter boot-space bachti hain, jubki Scoprio N mein mushkil se do laptop bag rakhne jitni bootspace bachti hain. Toh phir kya pick-up mein Fortuner, Scoprio N se bahut tez hain? Wo bhi nahi. Diesel Scorpio ka pick-up, Fortuner se kewal ek second dheema hain, jubki petrol Scoprio ka pick-up toh Fortuner se bhi jyada damdaar hain. Features ki baat ki jaaye toh Scorpio mein Sunroof milta hain, wohi Fortuner mein Ventilated Seats milti hain. Suspension comfort mein Scorpio saaf saaf behtar hain, magar tikaupan, service aur resale value mein Fortuner kai guna behtar.